Гіём Апалінэр
(УЛАДЗІМІР КАСТРАВІЦКІ*)
Пачатак Літаратурнага марафона імя Апалінэра (17-га верасня): http://babruysk.by/litaraturny-marafon-imya-giyoma-apalinera/
З ранніх вершаў
ЦІХІ СОН**
Яе вусны напаўадкрытыя
Сонца ўжо ўзышло
І праслізнула ў пакоі
Праз жалюзі і праз шкло
І стала тут цёпла
Яе вусны напаўадкрытыя
І дрыжаць яе павекі
А твар гэтак спакойны што бачныя мары
Што лунаюць у яе ціхім сне
Пяшчотным сне
Я таксама ў снах сваіх некалі марыў
Быццам у каляровым у тумане
Вось жывём мы з ёй без растання
Ля вялікага дрэва кахання
Ноччу бязмесячнай і сонечным днём
Там праводзім мы час лашчачы котак
А смуглявыя панны будучы сном
Там збіраюць яблыкі па адной і гуртом
І даюць іх тым коткам
Яе вусны напаўадкрытыя
І спакойна яе дыханне
Вельмі цёпла ў пакоі
На вуліцы птушкі спяваюць
І людзі працуюць ужо
Цік-так цік-так
Я выходжу на дыбачках
Каб не парушаць яе ціхага сну
Le bon sommeil
Ses lèvres sont entr’ouvertes
Le soleil est levé
Il se glisse en la chambre
Malgré les volets
Il fait tiède
Ses lèvres sont entr’ouvertes
Et ses yeux sont clos
Le visage est si calme que je devine des rêves
Quiets et doux
Très doux
Je me souviens d’avoir rêvé
Que l’on vivait
Autour
D’un grand pommier d’amour
Par de doux jours pareils aux nuits sans lune
Et l’on passait le temps à caresser les chats
Tandis que des filles brunes
Cueillaient les pommes une à une
Pour les donner aux chats
Ses lévres sont entr’ouvertes
О les calmes respirs
Ce matin la grande chambre est si tiède
Dehors les oiseaux chantent
Et des hommes travaillent déjà
Tic tac tic tac
Je sors sur la pointe des pieds
Pour ne pas troubler le bon sommeil
*Славуты французскі паэт Гіём Апалінэр (1880-1918) паходзіў з беларускага шляхетнага роду Кастравіцкіх. Яго маці Анжаліка Кастравіцкая была дачкой штабс-капітана расійскага войска Міхала-Апалінарыя Кастравіцкага, які ўдзельнічаў у паўстанні 1863 года. Родавы маёнтак Кастравіцкіх Дарожкавічы (Дзісненшчына) быў канфіскаваны пасля паўстання расійскім урадам. Дзед Апалінэра з сям’ёй эміграваў у Італію, дзе і нарадзіўся Апалінэр і дзе прайшло яго дзяцінства.
**Упершыню надрукавана ў пасмяротнай кнізе Апалінэра «Меланхалічны вартавы» (1952), цыкл «Стаўло» (1899 г.)
Напісана каля 1899 г.
На беларускую мову верш раней не перакладаўся.
Russian
English