Домой Главные новости Распачынаецца прыём заявак на конкурс па стварэнні арт-аб’екта «Прыпынак Адамовіча»

Распачынаецца прыём заявак на конкурс па стварэнні арт-аб’екта «Прыпынак Адамовіча»

прыём заявак на конкурс, стварэнне арт-аб’екта "Прыпынак Адамовіча", Андрусь Архіпенка Бабруйскія актывісты прапаноўваюць ператварыць звычайны прыпынак у роднай вёсцы пісьменніка ў тэматычны арт-аб’ект. Гэта мусіць прыцягнуць увагу да будучых музея і сквера з бюстам.

прыём заявак на конкурс, стварэнне арт-аб’екта "Прыпынак Адамовіча", Андрусь Архіпенка

Ідэю «прыпынка Алеся Адамовіча» упершыню агучыў  бабруйчанін Андрусь Архіпенка на занятках магілёўскай Школы гарадскіх ініцыятыў «Цяпліца», што праходзілі ў Бабруйску ў лютым. Школа, а таксама тайм-клуб «1387» падтрымалі хлопца, далучыліся таксама іншыя неабыякавыя бабруйчане, і ў выніку ўтварылася ініцыятыва па стварэнні турыстычнай кропкі «Прыпынак Адамовіча».

прыём заявак на конкурс, стварэнне арт-аб’екта "Прыпынак Адамовіча", Андрусь Архіпенка

Сябры ініцыятывы лічаць, што такім чынам можна будзе прыцягнуць увагу як жыхароў вёскі, так і гасцей і тых, хто проста едзе міма па трасе, да асобы Алеся Адамовіча, да пакінутай ім спадчыны.

Аўтобусны прыпынак знаходзіцца каля ажыўленай трасы Бабруйск-Глуск-Слуцк. Яркі прывабны арт-аб’ект будзе добра бачны ўсім. Нехта абавязкова затрымаецца, і даведаецца, што тут жыў Алесь Адамовіч.

2018 год – Год малой Радзімы ў Беларусі. Бабруйчане хочуць паспрыяць развіццю малой радзімы Алеся Адамовіча.

Каб ідэя рэалізавалася, патрэбны цікавы праект ператварэння звычайнага аўтобуснага прыпынку ў арт-аб’ект, прысвечаны пісьменніку. Таму сумесна з аддзелам ідэалагічнай працы, культуры і па справах моладзі Бабруйскага райвыканкама ініцыятыва абвяшчае конкурс такіх праектаў.

Да ўдзелу запрашаюцца усе зацікаўленыя, але найперш – навучэнцы мастацкіх навучальных установаў, дызайнеры, архітэктары, творчыя людзі.

Конкурс распачынаецца 23 красавіка.  Дасылаць працы можна да 23 траўня ўключна.

Задачы для ўдзельнікаў конкурсу:

Распрацаваць эскізны праект прыпыначнага пункта «Прыпынак Адамовіча» (далей – п.п.), з абавязковай архітэктурнай прывязкай да прапанаванага месца размяшчэння, што ўключае:

— распрацоўку канструкцыі прыпыначнага пункта (у выпадку, калі мяркуецца будаўніцтва п.п., ці яго значная перабудова), з пералікам будаўнічых матэрыялаў, з якіх будзе стварацца п.п. і якімі будзе аздабляцца (фарбы, дэкаратыўныя элементы, і таму падобнае);

— вызначэнне памеру п.п. (у выпадку, калі мяркуецца будаўніцтва ці значная мадэрнізацыя);

— стварэнне эскіза;

— вызначэнне прыкладнага каштарысу на будаўніцтва ці аздабленне п.п.

Праект прыпынка павінен суправаджацца дэманстрацыйнымі матэрыяламі: візуальным эскізам і тэкставым апісаннем.

Для ўдзелу ў конкурсе неабходнадаслацьзаяўку (ідэю, праект) на адрас: adamovich.konkurs@gmail.com, да 23 траўня 2018 года.

Разгляд заявак і вызначэнне пераможцаў – да 31 траўня.

Кантактны тэлефон:+375291238873, Андрусь Архіпенка.

Таксама ўся інфармацыя пра конкурс на сайце: адамовіч.бел і ў сацсетках: https://www.facebook.com/events/194724021311450/,  https://vk.com/prypynakadamovicha .

Адначасова зараз дапрацоўваецца макет будучага бюста Алеся Адамовіча, за які Андрусь Архіпенка напачатку гэтага года сабраў больш за 600.  Міністэрства культуры ўзгадніла ўсталяванне помніка пісьменніку.

 

Марына Міхневіч

ОСТАВЬТЕ ОТВЕТ

Напишите свой комментарий!
Введите здесь ваше имя