Домой Видео На першым Спеўным сходзе бабруйчане заспявалі «Народны альбом»

На першым Спеўным сходзе бабруйчане заспявалі «Народны альбом»

Музыка Сяржук Доўгушаў і вядучая моўных курсаў «Мова нанова» Ірына Ласіхіна вырашылі ажывіць у нашым горадзе спрадвечную беларускую традыцыю супольных спеваў.

спеўны сход, бабруйчане, заспявалі «Народны альбом», музыка Сяржук Доўгушаў

 

Праходзіў першы бабруйскі Спеўны сход 13 кастрычніка ў тайм-клубе «1387». Адкрыць музычныя сустрэчы вырашылі «Народным альбомам». Заспяваць разам з Сяржуком Доўгашавым сабраліся каля 25 бабруйчан. Распачалі з дыхальнай размінкі пад кіраўніцтвам Ірыны Ласіхінай. А першай песняй, якую заспявалі хорам пад акампанемент баяніста Яўгена Курыльчыка, стала «Маладое піва», што напісаў Міхал Анемпадыстаў.

спеўны сход, бабруйчане, заспявалі «Народны альбом», музыка Сяржук Доўгушаў

Спеўныя сходы даўно вядомыя ў Менску і некаторых іншых беларускіх гарадах. Гэта грамадская ініцыятыва, якая стваралася, каб любы чалавек, незалежна ад таго, ці мае музычную адукацыю ці здольнасці, мог навучыцца спяваць беларускія песні.

Ініцыятар Спеўных сходаў – музыка Сяржук Доўгушаў. Падчас размовы з бабруйчанамі ён распавёў, што Бабруйск – адзін з ягоных улюбёных гарадоў, і ён мае мару – зладзіць Спеўны сход з габрэйскай грамадой.

спеўны сход, бабруйчане, заспявалі «Народны альбом», музыка Сяржук Доўгушаў

спеўны сход, бабруйчане, заспявалі «Народны альбом», музыка Сяржук Доўгушаў

Таксама Сяржук прэзентаваў тым, хто прыйшоў заспяваць, сайт spevy.by, які ён зараз стварае. На сайце будуць размяшчацца беларускія песні, музыка, у асноўным, народныя, але таксама і класіка таго ж Манюшкі, Агінскага і інш. Робіцца усё гэта, каб захаваць нашу спадчыну, і каб любы жадаючы мог заспяваць з сябрамі беларускія песні, нават калі ён іх не ведае – на сайце ён знойдзе і словы, і музыку. Spevy.by – цалкам валанцёрскі праект, і Сяржук збірае на яго сродкі на краўдфандынгавай платформе «Талака».

Каб не прапусціць наступны Спеўны сход у Бабруйску, сачыце за абвесткамі на старонцы ў фэйсбуку , а таксама на старонках тайм-клуба «1387».

Падрабязней пра тое, як бабруйчане спявалі «Народны альбом», глядзіце ў нашым відэасюжэце.

 

Марына Міхневіч

ОСТАВЬТЕ ОТВЕТ

Напишите свой комментарий!
Введите здесь ваше имя